उपभोक्ता सचेतनामा सक्रिय हुन अध्यक्ष प्रेमलाल महर्जनको निर्देशनमा नेपालमा विगत दुई दशकदेखि उपभोक्ता हकहित र अधिकारका पक्षमा आवाज बुलन्द गर्दै आएको राष्ट्रिय उपभोक्ता मञ्च, नेपालले दुईदिने संस्थागत अभिमुखीकरण कार्यक्रम सम्पन्न गरेको छ । पुस २६ र २७ गते नगरकोटमा सम्पन्न अभिमुखीकरण कार्यक्रममा मञ्चका केन्द्रीय, जिल्ला र नगर समितिका पदाधिकारीहरु ग्रि ५० जनाको सहभागिता रहेको थियो ।
दोस्रो दिन आज शुक्रवार सम्पन्न भएको कार्यक्रमको समापनमा कार्यक्रमको उद्देश्यमाथि प्रकाश पार्नुहु‘दै संस्थापक अध्यक्ष एवं उपभोक्ता अधिकारकर्मी प्रेमलाल महर्जनले संस्था स्थापनाको १८ वर्षमा उपभोक्ता हकहित र अधिकारी संरक्षणको सवालमा विभिन्न स्तरमा थुप्रै उपलब्धी र प्रगति हासिल गरेको बताउँदै मातहतका समितिहरु पनि उपभोक्ता सचेतनाको पक्षमा सक्रियरुपमा लाग्न निर्देशन दिए ।
दुईदिने अभिमुखीकरण कार्यक्रममा अध्यक्ष प्रेमलाल महर्जन, उपाध्यक्ष एवं अधिवक्ता पुष्पराम पौड्याल र वरिष्ठ खाद्य अनुसन्धानविज्ञ सोभिता श्रेष्ठलगायतले मञ्चको संस्थागत संरचना र भूमिका, उपभोक्ता हकहित संरक्षण र अधिकारको पक्षमा कानुनी ब्यवस्थाका साथै खाद्य अनुगमनमा पु¥याउनुपर्ने प्राविधिक र ब्यवहारिक ज्ञानको बारेमा अभिमुखीकरण गरिएको थियो । कार्यक्रममा काठमाडौं, ललितपुर, भक्तपुर र महोत्तरी जिल्ला र कीर्तिपुर, चन्द्रागिरी र महालक्ष्मी नगर समितिका पदाधिकारीहरुको सहभागिता रहेको थियो ।
