काठमाडौं, काठमाडौँ महानगरपालिका वडा नं. ७ स्थित गोपीकृष्ण चोकबाट चाबहिल जाने गंगाहिटी टोल प्रवेशद्वारमा आज बिहान ठूलो रूख अचानक ढलेपछि सडक अवरुद्ध भएको छ। उक्त घटनामा रूखले एक ट्याक्सी र बिजुलीको तारमा समेत क्षति पुर्याएको थियो, जसका कारण यातायात पूर्ण रूपमा प्रभावित भएको थियो।
घटनाको जानकारी पाएपछि नेपाल प्रहरीले त्वरित प्रतिक्रिया जनाउँदै घटनास्थलमा पुगेका थिए। प्रहरीले तत्कालै उद्धार कार्य सुरु गरी ढलेको रूखलाई सडक किनारामा सार्न सफल भएका छन्। यसका साथै, बिजुलीको तारमा भएको क्षतिको मर्मतसमेत गरेर सडक पुनः सञ्चालनमा ल्याइएको छ।
स्थानीय बासिन्दाहरुले नेपाल प्रहरीको यो त्वरित कार्यको प्रशंसा गर्दै धन्यवाद व्यक्त गरेका छन्। यस प्रकारको शीघ्र कार्यवाहीले मात्र दैनिक जीवनलाई सामान्य बनाइ राख्न सकिन्छ भन्ने विश्वास व्यक्त गरिएको छ।
यस घटनाबाट कुनै मानविय क्षति भने नभएको पुष्टि भएको छ। प्रहरीको सक्रियता र तत्परताका कारण सडकमा फसेका गाडीहरु पुनः गन्तव्यतर्फ अगाडि बढ्न सफल भएका छन्। स्थानीय प्रशासनले भविष्यमा यस्ता घटनाबाट जोगिनका लागि आवश्यक कदम चाल्ने प्रतिबद्धता व्यक्त गरेको छ।
