कीर्तिपुर नगरपालिकाले महत्वपूर्ण निर्णय गर्दै ७ नं. वडाका अध्यक्ष दिवाकर अधिकारीलाई नगरपालिकाको प्रवक्ताको जिम्मेवारी सुम्पेको छ।
दिवाकर अधिकारीले वडा अध्यक्षको रुपमा आफ्नो कार्यकालमा गरेका प्रभावकारी कामहरु र स्थानीय जनतासँगको घनिष्ट सम्बन्धले उनको नेतृत्व क्षमता प्रमाणित गरेको छ। प्रवक्ताको भूमिका नगरपालिकाको नीति, योजना र उपलब्धिहरूलाई जनतासम्म प्रभावकारी रुपमा पुर्याउने महत्त्वपूर्ण स्थान हो, र यसलाई उनले कुशलतापूर्वक निभाउने अपेक्षा गरिएको छ।
नगरवासी र सहकर्मीहरूमाझ अत्यन्तै लोकप्रिय रहेका अधिकारीले आफ्नो नयाँ जिम्मेवारीलाई निष्ठापूर्वक र लगनशीलतासाथ निभाउने प्रतिवद्धता जनाएका छन्। उनको कार्यकालमा नगरपालिकाले सार्वजनिक चासोका विषयमा पारदर्शिता कायम गर्दै जनतासँगको संवादलाई अझ सशक्त बनाउने विश्वास गरिएको छ।
कीर्तिपुर नगरपालिका र स्थानीय समुदायले उनलाई यो महत्त्वपूर्ण जिम्मेवारी प्राप्त गरेकोमा हार्दिक बधाई दिएका छन्, र आगामी दिनमा नगरपालिकालाई अझ अघि बढाउने दिशामा उनले नयाँ दृष्टिकोण र ऊर्जा प्रदान गर्ने अपेक्षा राखेका छन्।
