ट्रकको ठक्करबाट महिला को मृत्यु

भक्तपुरको गठ्ठाघरमा ट्रकको ठक्करबाट एक महिलाको ज्यान गएको छ। ट्राफिकले चेक जाँचको लागि रोकिरहेको स्कुटर चालक महिलालाई ट्रकले ठक्कर दिए लगतै महिलाको मृत्यु भएको हो। दुर्घटना भएलगतै प्रहरी र सर्वसाधरणबिच ढुंगा हानाहान भएको छ। ना ६ख २१७३ नम्बरको ट्रकले रोकिरहेको स्कुटरलाई ठक्कर दिएपछि करिब सय मिटरसम्म घिसारेको भक्तपुर प्रहरीले जनाएको छ। ज्यान गुमाएकी महिलाको पहिचान खुलिसकेको छैन्। घटनास्थलमा मृत्यु भएको महिलाको झोला भेटिएको छ।