खोल्सोमा खसेर बेपत्ता भएका प्रल्हाद महर्जन ७ दिन बितिसक्दा पनि अझै फेला परेका छैनन्। घटस्थापनाको दिन, असोज १७ गते, बिहान आफ्नो घर नजिकै बारीमा झाडी काट्ने क्रममा उनी पर्खाल सहितको ढिस्कोसँगै खोल्सोमा खसेका थिए। त्यस दिनदेखि महर्जनको खोजीमा नेपाल प्रहरी, सशस्त्र प्रहरी, नेपाली सेना, स्थानीय बासिन्दा, र महर्जनका परिवारजन सक्रिय रूपमा लागिरहेका छन्। तर अहिलेसम्म कुनै सुराक पत्ता लगाउन नसकिएको छ।
प्रल्हाद महर्जनको खोजीमा दिनहुँ विभिन्न सुरक्षा निकायले प्रयास गरिरहेका छन्। ढुंगाःचा खोल्सोबाट कटवाल दहसम्म विस्तारित खोजी अभियानमा नेपाल प्रहरी, सशस्त्र प्रहरी, र नेपाली सेनाको संयुक्त टोलीले अथक मेहनत गरिरहेको छ। मंगलबार सम्म पनि कुनै सकारात्मक परिणाम प्राप्त भएको छैन। खोजीको क्रममा हिजो नेपाल प्रहरीका तालिम प्राप्त कुकुर र स्थानीय जनप्रतिनिधिहरूको सहयोगमा सुन्दरीघाटसम्म अभियानलाई विस्तारित गरिएको थियो, तर उनी भेटिएका छैनन्। केही दिन अगाडीको बाढीका कारण अधिकांश बाटोहरु बगाएका कारण खोलाका किनारहरु सम्म पुग्न अफ्ठयारो भएका कारण ड्रोन उडाएर पनि खोँचहरुमा खोजिएको छ ।
सुरक्षाकर्मीहरूको निरन्तर खोजी प्रयासले पनि बेपत्ता महर्जनको पत्तो लाग्न नसक्नुले परिवार र स्थानीय बासिन्दाहरू चिन्तित बनेका छन्। प्रल्हाद महर्जनको खोजी अभियानमा कुनै पनि कसर बाँकी नराखिएको भएपनि, यो घटनाले सबैलाई त्रासमा पारेको छ। स्थानीय सुरक्षा निकाय र खोजीमा लागेका टोलीहरू निरन्तर प्रयासरत छन्, तर समय बित्दै जाँदा महर्जनको अवस्था अझै अज्ञात छ।
महर्जनको खोजी अभियानले थप सुरक्षा र संसाधनको आवश्यकता औँल्याएको छ, जसले यो घटनालाई गम्भीरतापूर्वक हेर्नुपर्ने आवश्यकतालाई उजागर गरेको छ।
तस्विर ः दुर्गालाल शाहीको फेसबुक बाट
