कीर्तिपुर नगरपालिका वडा नं. १ का लागि युवा अभियन्ता, कवि तथा सामाजिक कार्यकर्ता अर्जुन महर्जन (नेपाःमि)ले स्वतन्त्र उम्मेदवारको रूपमा आगामी उपनिर्वाचनमा आफ्नो उम्मेदवारी घोषणा गरेका छन्। उनको चुनाव चिन्ह ग्यास सिलिन्डर हो।
अर्जुन महर्जनले आफ्नो उम्मेदवारीलाई सामाजिक न्याय, सांस्कृतिक संरक्षण, र सामूहिक समाजवादको सिद्धान्तमा आधारित भएको बताएका छन्। उनले युवाहरूको सशक्तीकरण, महिलाहरूको अधिकार प्रत्याभूति, स्वास्थ्य सेवा विस्तार, शैक्षिक सहयोग, र सांस्कृतिक सम्पदाहरूको संरक्षणलाई आफ्नो प्रमुख एजेन्डा बनाएका छन्।
महर्जन हाल घरदैलो अभियानमा व्यस्त छन्, जहाँ उनले मतदाताहरूसँग प्रत्यक्ष संवाद गर्दै आफ्नो नीति, योजना र उद्देश्य स्पष्ट पारिरहेका छन्। उनले वडा नं. १ का स्थानीयवासीका आवश्यकता र समस्याहरूलाई गम्भीरताका साथ सुन्दै, समाधानका लागि आफ्नो प्रतिबद्धता व्यक्त गरेका छन्।
उनको अभियानमा युवाहरू, महिलाहरू र स्थानीय समुदायको उल्लेखनीय सहभागिता देखिएको छ। महर्जनले आफ्नो अभियानका क्रममा भनेका छन्, “वडाको विकासका लागि सबै क्षेत्र, समुदाय र वर्गको सहकार्य आवश्यक छ। मेरो उम्मेदवारी समाजमा सकारात्मक परिवर्तनको सुरुवात हो।“
अर्जुन महर्जनको उम्मेदवारीले स्थानीय तहको राजनीति र नेतृत्वमा नयाँ ऊर्जा थप्ने अपेक्षा गरिएको छ। मतदाताहरूको आकर्षण र विश्वास जित्न उनको अभियानले महत्वपूर्ण प्रभाव पार्न सक्छ।
