ललितपुरको टिकाथलीस्थित गोदावरी खोला नजिकै बोरिङका क्रममा निस्किएको ग्यासका कारण लागेको आगो नियन्त्रणमा आएको छ। स्थानीय प्रशासन र दमकलको सक्रियतामा बिहान करिब ८:३० बजेदेखि सुरू भएको आगो निभाइएको हो।
यद्यपि, आगो नियन्त्रण भए पनि घटनास्थलमा ग्यास निस्कने क्रम भने रोकिएको छैन। प्रारम्भिक जानकारीअनुसार, करिब ९ सय फिट गहिरो बोरिङका क्रममा ग्यास निस्किएपछि आगलागी भएको हो।
स्थानिय बासिन्दा त्रसित बनेका छन् भने विज्ञहरूले थप जोखिम मूल्यांकन र नियन्त्रणका उपायबारे अध्ययन गरिरहेका छन्। सुरक्षाका लागि घटनास्थल आसपास सतर्कता अपनाउन सम्बन्धित निकायले आग्रह गरेका छन्।
तस्बिर : नेपाल फोटाे लाईब्रेरी
