महानगरको सहयोगमा कीर्तिपुर अस्पतालमा नयाँ लिफ्ट जडान

कीर्तिपुर अस्पतालमा आज कीर्तिपुर अस्पतालका व्यवस्थापन समितिका अध्यक्ष तथा कीर्तिपुर नगरपालिकाका मेयर राजकुमार नकर्मीले लिफ्टको उद्घाटन गरेका छन् । काठमाँडौ महानगरले साढे ९१ लाख अनुदान स्वरुप सहयोग गरेको थियो भने RMS International कम्पनी मार्फत जडान गरिएको हो । उद्घाटन कार्यक्रमामा फेक्ट नेपालका कार्यकारी अध्यक्ष डा। भरत प्रधानको अध्यक्षतामा भएको कार्यक्रममा लिफ्ट जडानका लागि सहयोग गरेकोमा संयोजक राममान सिंहलाई कार्यकारी निर्देशक गौरी प्रधानले सम्मान तथा प्रशंसा(पत्र प्रदान गरेका थिए । कार्यक्रममा लिफ्ट जडानको विषयमा ब्यवस्थापन समिति सदस्य तथा २ वडा अध्यक्ष ई. रूपेश महर्जनले अस्पतालमा लिफ्ट जडान भएपछि बिरामी तथा सेवाग्राही लाई सेवा लिन थप सजिलो हुने बताए ।