काठमाडौँ, १५ असार: एक्काइसौँ राष्ट्रिय धान दिवसका अवसरमा राष्ट्रपति भवन शीतल निवासमा रोपाइँ कार्यक्रम आयोजना गरिएको छ। कार्यक्रममा राष्ट्रपति रामचन्द्र पौडेल र प्रथम महिला सविता पौडेललगायतको उपस्थिति थियो।
राष्ट्रपति पौडेलले कृषि पेसा, श्रमको सम्मानको संस्कृति र धान उत्पादनलाई प्रोत्साहन दिन प्रतीकात्मक रुपमा रोपाइँमा सहभागी भएको बताउनुभयो। उहाँले पहिले देशमा धान बढी उत्पादन हुने र हाल धान आयात गर्नुपर्ने अवस्था आएको भन्दै सन्तुलित खानपानका लागि धान उत्पादन, कृषि पेसा र श्रमको सम्मानको संस्कृतिलाई प्रोत्साहन गर्नुपर्ने आवश्यकता औँल्याउनुभयो।
