शैक्षिक परामर्श क्षेत्रमा छुट्टै पहिचान बनाउन सफल वन्स एजुकेशन कन्सल्टेन्सीले यही माघ २० गते अर्थात फेब्रअरी २ मा ‘युएसए एजुकेशन एक्स्पो २०२५’ सञ्चालन गर्ने भएको छ । अमेरिका पढ्न जाने विद्यार्थीहरुलाई लक्षित गर्दै वन्स एजुकेशनले पुतलीसडकस्थित आफ्नो कार्यालय परिसरमा युएसए एजुकेशन एक्स्पो सञ्चालन गर्ने जनाएको छ ।
अमेरिका पढ्न जाने विद्यार्थीहरुको लागि एजुकेशन एक्स्पो एउटा उत्कृष्ट अवसर हुने वन्सका सीईओ आर्यन उप्रेतीले बताए । एक्स्पोमा अमेरिका गएर अध्ययन गर्न चाहने विद्यार्थीले आवश्यक शैक्षिक गतिविधि र प्रणालीको बारे जानकारी लिन सक्नेछन्,’ उनले भने, ‘विद्यार्थीहरूले अमेरिकामा पाइने अध्ययनका अवसर, कलेज तथा विश्वविद्यालयका प्रतिनिधिहरूसँग प्रत्यक्ष परामर्श र पूर्व तयारीको लागि विशेषज्ञ सल्लाह लिन पाउनेछन् ।’
एक्स्पोलाई विद्यार्थीहरूले आफ्नो शैक्षिक लक्ष्यहरू प्राप्त गर्ने विश्वसनीय प्लाटफर्मको रुपमा लिन सक्ने सीईओ उप्रेतीको भनाई छ । उनका अनुसार यसले एकै छानामुनीबाट विद्यार्थीहरुलाई अमेरिकाको कलेज तथा विश्वविद्यालय छनौट गर्न आवश्यक अवसर प्रदान गर्नेछ ।
एक्स्पोमा सहभागी विद्यार्थीहरूलाई १०० प्रतिशतसम्म छात्रवृत्तिसहित आइईएलटीएस र पीटीई तयारी कक्षामा विशेष छुट पाइने बताइएको छ । एक्स्पो विहान ११ देखि ४ बजेसम्म सञ्चालन हुनेछ ।
प्रतिष्ठित एवं ख्याती प्राप्त कलेज तथा विश्वविद्यालयहरूमा अध्ययन गर्न इच्छुक रहेका विद्यार्थीलाई एक्स्पोमा सहभागि हुन वन्स एजुकेशनले आग्रह गरेको छ ।
