कीर्तिपुर नगरपालिकाको वडा नं १० ले आज वडाका सबै जेष्ठ नागरिकहरुलाई धार्मिक स्थलहरु भ्रमण गराएको छ । उमेरले ६८ वर्ष माथिका जेष्ठ नागरिकहरुलाई ललितपुर स्थित कार्य बिनायक, खोकना, बुगंंमती र सिकाली घुमाइएको थियो । उमेरले ६० पार भैसकेपछि सामाजिक रुपमा क्रियाशील नहुनु र अधिकांश समय घरमै बिताउने जेष्ठ नागरिकहरु आज भ्रमणमा सहभागी भएपछि निकै खुशी देखिन्थे । सन स्टार क्लबका धिमे बादक र मानःत्वा बासुँरी खलका बाँसुरी बजाउनेहरुले नाँचु नाँचु लाग्ने बाजा बजाएपछि उमेर र अनुहारमा चाहुरी परेका धर्साहरुमा लुकेका सारा एक्लोपन, दुःख बिर्सेर छमछमी नाचे । वडा नं १० ले यो भन्दा पहिले पनि जेष्ठ नागरिकलाई लक्षित गरेर विभिन्न कार्यक्रम गरेको थियो । आजको भ्रमणमा करिब २६० जनाको सहभागी थियो ।
