काठमाडौं जिल्ला प्रहरी परिसरले किर्तिपुर नगरपालिकासँगको साझेदारीमा विद्यालय स्तरका बालबालिकालाई लागू औषध दुर्व्यसनी, साइबर अपराध, यौन हिंसा, सवारी दुर्घटना, चोरी लगायतका सामाजिक विकृति विसंगतिबाट बचाउन तथा विद्यालयमा शिक्षक वर्गमार्फत विद्यार्थी र अभिभावकलाई सचेतना अभिवृद्धि गरी अपराध न्यूनीकरण र नियन्त्रण गर्ने उद्देश्यले जनचेतनामूलक पाठ्यसामग्री तयार गरेको छ।
![](https://desajnews.com/wp-content/uploads/2024/06/449133328_780975267552808_4078319169673474868_n-1024x683.jpg)
यस कार्यक्रमको उद्घाटन किर्तिपुर नगरपालिकाका उप-प्रमुख शुभ लक्ष्मी शाक्य (सुनिता)को अध्यक्षतामा र काठमाडौं जिल्ला प्रहरी परिसरका प्रहरी वरिष्ठ उपरीक्षक वसन्त रजौरेको प्रमुख आतिथ्यतामा सम्पन्न भएको थियो। कार्यक्रममा करिब २५ जना विद्यालयका प्रधानाध्यापकहरू, स्थानीय जनप्रतिनिधिहरूको उपस्थिति रहेको थियो।
![](https://desajnews.com/wp-content/uploads/2024/06/449013481_780975207552814_4360560232813116933_n-1024x683.jpg)
![](https://desajnews.com/wp-content/uploads/2024/06/449013481_780975207552814_4360560232813116933_n-1024x683.jpg)
कार्यक्रममा जनचेतनामूलक पाठ्यसामग्री विद्यालयमा अनिवार्य रूपमा पठन पाठन गराउने र पालिकास्तरको पाठ्यक्रममा समावेश गरी सामाजिक विकृति विसंगति नियन्त्रण गर्ने लक्ष्य राखिएको थियो। यसका साथै, प्रहरी-समुदाय-स्थानिय तह-विद्यालय र सामाजिक संस्थाहरू बीच साझेदारीता निर्माण गरी सामुदायिक सुरक्षालाई संस्थागत गर्ने उद्देश्य पनि थियो।
![](https://desajnews.com/wp-content/uploads/2024/06/448901677_780975594219442_7104571279771414490_n-1024x683.jpg)
![](https://desajnews.com/wp-content/uploads/2024/06/448901677_780975594219442_7104571279771414490_n-1024x683.jpg)
प्रमुख अतिथि वसन्त रजौरेले जघन्य अपराध, लागू औषध दुर्व्यसन, महिला बालबालिका विरुद्धका अपराध र हिंसा, बढ्दो विधुतीय अपराध, घरेलु हिंसा, ट्राफिक सचेतना तथा सामाजिक विकृति विसंगति विरुद्ध सामाजिक सचेतना जगाउने प्रयासलाई महत्वपूर्ण रहेको बताए।
![](https://desajnews.com/wp-content/uploads/2024/06/449230985_780975624219439_6146094116941343443_n-1024x683.jpg)
![](https://desajnews.com/wp-content/uploads/2024/06/449230985_780975624219439_6146094116941343443_n-1024x683.jpg)
कार्यक्रमले बालबालिकामा सुरक्षा सचेतना बढाई अपराधको जोखिमबाट बचाउन र भविष्यका कर्णधार बालबालिकालाई राष्ट्र र समाजप्रति जिम्मेवार नागरिकका रूपमा विकास गर्ने उद्देश्य राखेको छ। साथै, सामुदायिक सुरक्षाका अन्य विषयहरूमा एकीकृत स्वयंसेवक परिचालन र व्यापक जनसहभागिताको लागि सामाजिक संघ संस्थाहरू बीच वृहत सञ्जाल र साझेदारीता निर्माण गरी सोको माध्यमबाट विद्यालय स्तरमा जनचेतना अभिवृद्धि गर्ने लक्ष्य पनि कार्यक्रमले लिएको छ।