कीर्तिपुर नगरपालिकाले भोली १९ गते देखि कीर्तिपुर नगरपालिका भित्र बसोबास गर्नेहरुका लागी राष्ट्रिय परिचय पत्र विवरण दर्ता गर्न बाँकीहरुका लागी दर्ता गर्न सेवा सुचारु गर्दे छ । असार १९ र २० गतेका दिन वडा ६ देखि १० वडा भित्रका जेष्ठ नागरिकहरुलाई पहिलो प्राथमिकता दिएर दर्ता सुरु गर्ने भएको छ र २१ देखि २३ गते वडा नं १ देखि ५ वडा भित्रका जेष्ठ नागरिकहरुलाई पहिलो प्राथमिकता दिएर दर्ता दिइने छ साथै २४ गते पछि कीर्तिपुरका सम्पुर्ण नगरबासीहरुले दर्ता गर्ने सक्नेछन् । प्रत्येक दिन ५० वटा विद्युतीय टोकन लिन सकिनेछ त्यसपछि अर्को दिनका लागी भोली पल्टनै पुनः टोकन सेवा सुरु हुनेछ । भोलीका दिनका लागी अघिल्लो दिन टोकन लिएमा त्यो मान्य हुने छैन । टोकनमा अटो सेवा राखिएको कारण ५० वटा टोकन निस्कीसकेपछि बन्द हुने छ ।
अघिल्लो दर्ता भइसकेका तर परिचय पत्र नपाएकाहरुका हकमा नेपाल सरकारको जिल्ला प्रशासन कार्यालयबाट दर्ता गर्न पठाइएका अपरेटर लाई दिइएको टि ओ आर को आधारमा समय व्यवस्थापन गरेर दैनिक रुपमा परिचय वितरण गर्नु भन्ने छ तथापि यो कार्य सुचारु हुन सकेको छैन । अहिले यसको मुल उदेश्य भन्नुनै नेपाल सरकारले हाल देशव्यापी रुपमा जुन जुन जिल्लामा परिचय पत्र अनिवार्य गरेको छ , सामाजिक सुरक्षा भत्ता लाभग्राही हरुलाई श्रावण १ गते देखि भाद को अन्तिमा सम्म परिचय पत्र नविकरण भैसक्नु पर्ने प्रावधान निकालेको छ । नविकरण गर्नुलाई परिचय पत्र अनिवार्य रुपमा आवश्यक गरिएको छ । त्यसैले पहिलो प्राथमिकता सामाजिक सुरुक्षा भत्ताका सेवा ग्राहीहरुलाई दिइएको छ । र परिचय पत्र वितरण पनि सम्भवत श्रावण महिना देखि सुरु गर्ने प्रशाासन शाखाका वरिष्ठ अधिकृत जनक थापाले बताए । परिचय पत्र अनलाइन भर्नु पर्ने छ ।
