कीर्तिपुर – नाग पञ्चमीको पावन अवसरमा कि.न.पा-६ स्थित टौदहमा विशेष धार्मिक, सांस्कृतिक र पर्यटकीय कार्यक्रमको आयोजना गरिएको छ। टौदह, जो कर्कोटक नागराजा र नागरानीको बासस्थानको रूपमा प्रख्यात छ, यस अवसरमा श्रद्धालु भक्तजनहरुको आस्थाको केन्द्र बनेको छ।
टौदहमा आयोजित कार्यक्रममा स्थानीय महिला समूहद्वारा उत्पादित घरेलु सामग्रीको बिक्री तथा प्रदर्शनीलाई विशेष प्राथमिकता दिइएको छ। स्थानीय उत्पादनलाई प्रवर्द्धन गर्दै महिलाहरुको आर्थिक सशक्तिकरणमा टेवा पुर्याउन यो कार्यक्रमको मुख्य उद्देश्य रहेको छ। यसले स्थानीय महिलाहरुको उद्यमशीलतालाई प्रोत्साहित गर्नुका साथै घरेलु उत्पादनलाई बजारसम्म पुर्याउने अवसर प्रदान गरेको छ।
कार्यक्रमको व्यवस्थापनमा कर्कोटक नागराजा नागरानी बासस्थान टौदह समाजले विशेष भूमिका खेलेको छ। समाजले नाग पञ्चमीको ऐतिहासिक महत्वलाई उजागर गर्दै टौदहमा आउने श्रद्धालुहरुको सुविधालाई ध्यानमा राखेर व्यवस्थापन गरेको छ। टौदह, धार्मिक र पर्यटकीय दृष्टिकोणले महत्त्वपूर्ण स्थान हो, जहाँ नाग पञ्चमीको अवसरमा विशेष पूजा र दर्शन गर्न आउनेको घुइँचो लाग्ने गर्दछ।
टौदह समाजले सबै श्रद्धालु भक्तजनलाई हार्दिक स्वागत गर्दै नाग पञ्चमीको महिमा र सांस्कृतिक सम्पदाको संरक्षणमा सहकार्य गर्न अनुरोध गरेको छ।
