कीर्तिपुर नगरपालिका वडा नं ३ ले आउँदो चैत्र ७ गते ढल्पास्थित पालिफल स्वास्थ्य चौकीमा विशेष स्वास्थ्य शिविर आयोजना गर्ने भएको छ। यस शिविरमा नाक, कान र घाँटीसम्बन्धी रोगको विशेषज्ञ परीक्षण, परामर्श तथा आवश्यक उपचार प्रदान गरिनेछ।
वडाको पहलमा सञ्चालन हुन लागेको विशेष स्वास्थ्य शिविर बिहान ११स्०० बजेबाट दिउँसो २स्०० बजे सम्म सञ्चालन हुनेछ। स्वास्थ्य समस्या भएका स्थानीय बासिन्दाहरूलाई समयमा उपस्थित भई निःशुल्क सेवाको लाभ उठाउन वडा कार्यालयले आग्रह गरेको छ।
नगरपालिकाले नागरिकहरूको स्वास्थ्य पहुँचलाई प्रभावकारी बनाउन निरन्तर क्रियाशील रहेको उल्लेख गर्दै, वडाले शिविरलाई अधिकतम सफल बनाउन सबैलाई सहभागिता जनाउन अनुरोध गरेको छ।
