ललितपुरको ग्वार्कोमा निर्माणाधीन नेपालकै पहिलो फ्लाइओभरको संरचना भत्काइएको छ। करिब ८२% काम सम्पन्न भइसकेको अवस्थामा गुणस्तरहीन निर्माण भएको पुष्टि भएपछि उक्त संरचना भत्काएर पुनः निर्माण गर्ने निर्णय गरिएको हो।
सिमेन्टको पर्खाल लगाएर माटो भरिँदै गर्दा पर्खाल आफैं चर्किन थालेपछि गुणस्तर अनुसन्धान तथा विकास केन्द्रले परीक्षण गरेको थियो। परीक्षणमा निर्माण कार्यमा गम्भीर कमजोरी देखिएपछि केन्द्रले ‘प्रिकास्ट प्यानल’ भत्काएर पुनः निर्माण गर्न निर्देशन दिएको हो।
नेपालमा पहिलो पटक निर्माण हुन लागेको फ्लाइओभरका केही भागहरू गुणस्तरहीन सामग्रीको प्रयोगका कारण कमजोर भएको आशंका निर्माण सुरुदेखि नै उठ्दै आएको थियो। अब निर्माणको गुणस्तरलाई थप कडाइका साथ नियमन गर्दै पुनः निर्माण गरिने जनाइएको छ।
तस्बिर : नेपाल फोटो लाइब्रेरी
