काठमाडौंमा नासो नाटक मञ्चन हुने भएको छ। कथाकार गुरुप्रसाद मैनालीको कथामा आधारित नासो नाटक पुस ४ गतेदेखि मञ्चन हुने भएको हो । उक्त नाटक आरोहण गुरुकुल कुञ्ज नाटकघरमा पुस ७ गतेसम्म मञ्चन हुने जनाइएको छ । दर्शकले नाटक तीन सय रुपैँया वा पाँच सय तिरेर हेर्न पाउने छन् ।
नासो साहित्यकार गुरूप्रसाद मैनालीद्वारा लिखित नेपाली कृति हो। नासो मैनालीको नासो कथासङ्ग्रहमा सङ्ग्रहित कथा रहेको छ । नासो कथासङ्ग्रहमा सङ्ग्रहित एघार कथामध्ये नासो कथा उत्कृष्ट मानिन्छ।
नासो नाटकको निर्देशन राम केएसीले गरेका छन् भने सह निर्देशक किरण चापागाईँले गरेका हुन् । नाटकले ठेट नेपाली संस्कार मान्ने एउटा परिवारको बहुविवाहका कारण उत्पन्न समस्याहरुलाई समेटेको छ ।
