कास्की जिल्लाको पोखरा महानगरपालिका–२३ घाँटीछिनास्थित हर्पन खोलामा एक युवाको शव फेला परेको छ ।
पौडी खेल्ने क्रममा बेपत्ता भएका युवकको शव सशस्त्र प्रहरीको गोताखोर टोलीले फेला पारेको हो।
धादिङ्ग जिल्लाको त्रिपुरासुन्दरी गाउँपालिका–७ निवासी तथा पोखरा महानगरपालिका–८ नागढुङ्गामा बसोबास गर्दै आएका २५ वर्षीय युवक पौडी खेल्ने क्रममा हर्पन खोलामा डुबेका थिए। घटनापछि बेपत्ता भएका युवकको खोजीका लागि नं। २४ कालिका गण कास्कीबाट गोताखोरसहितको विपद् व्यवस्थापन टोली परिचालन गरिएको थियो।
टोलीले डिप ड्राइभ गरी लगभग २० फिट गहिराईमा पुगेर युवकको शव बाहिर निकालेको हो। यो दुस्खद घटनाले स्थानियबासी तथा परिवारजनमा गहिरो पीडा छाएको छ।
प्रहरीले घटनाबारे थप अनुसन्धान गरिरहेको छ भने परिवारलाई आवश्यक सहयोग प्रदान गरिरहेको जानकारी गराएको छ।
