कीर्तिपुर नगरपालिका स्थित वडा नं १० ले जिफागलको ब्याडमिन्टन कोर्टमा प्रथम कीर्तिपुर ब्याडमिन्टन प्रतियोगिताको आयोजना गरेको छ । वडा नं १० कै खेलकुद उपसमिति सँग संयुक्त सहकार्य गरी स्वास्थ्य र मित्रताको लागी खेलकुद भन्ने नाराका साथ आज बाट सुरुवात भएको प्रतियोगिता असार ८ गते सम्म चल्ने छ । प्रतियोगिताको समुदघाटन वडा अध्यक्ष नरेश महर्जनको प्रमुख आतिथ्यतामा, खेल संयोजक र नगर सदस्य कबिन महर्जन र रबिन्द्र महर्जनको उपस्थितिमा भएको थियो भने कार्यक्रम सञ्चालन पुष्प रत्न बज्रचायले गरेका थिए । ब्याडमिन्टनको राष्ट्रिय रेफ्री ओम मुनि बज्राचार्यलाई वडा अध्यक्ष द्धारा कक र ब्याट हस्तान्तरण गरी खेलको उद्घाटन गरिएको थियो ।
कीर्तिपुर वडा नं १० भित्रका खुल्ला (डबल) र कीर्तिपुर नगरव्यापी १५ वर्ष मुनिका (सिंगल) गरी प्रतियोगितालाई २ श्रेणीमा खेलाइँदै छ । कीर्तिपुर वडा नं १० भित्रका खुल्ला (डबल) अन्र्तगत १६ वटा टिममा ३२ जना खेलाडी रहेका छन् भने कीर्तिपुर नगरव्यापी १५ वर्ष मुनिका (सिंगल) मा १६ जना खेलाडी रहेका छन् । आज सम्पन्न भएको वडा नं १० को खुल्ला अन्र्तगत डबलमा पहिलो चरणका बिजेता विविसेन महर्जन, राजकपुर महर्जन दोस्रो चरणको खेल बराबरीमा टुगिंएको थियो भने तेस्रो चरणका बिजेता रमित महर्जन, राम महर्जन र चौथौ चरणका बिजेता कबिन महर्जन, सुमन श्रेष्ठ भएका छन् ।
प्रथम पटक वडा स्तरिय खेलकुदको आयोजना गरिएपनि यस प्रतियोगिताले वडा स्तरीय खेलाडीहरुलाई थप हौसला प्रदान गर्ने सकिने राष्ट्रिय र प्रदेश स्तरको खेलहरुमा भाग लिनको लागी थप हौस्याउने सहयोग पुराउने नगर खेलकुद समितिको सदस्य कबिन महर्जनले बताए । यस प्रतियोगितालाई सहयोग र व्यवस्थापन गर्ने जिफाःगल ब्याटमिन्टन पुःचले पनि सहयोग गरेको छ । भोलिको खेल बिहान ५ः३० बजे देखि ८ बजे सम्म हुने छ ।
