काठमाडौं, भदौ १९ — प्यारालिम्पिक्समा काश्य पदक जितेर इतिहास रच्ने तेक्वान्दो खेलाडी पलेशा गोवर्धनलाई आज राजधानी काठमाडौंमा भव्य स्वागत गरिएको छ। त्रिभुवन अन्तर्राष्ट्रिय विमानस्थलमा आयोजित विशेष कार्यक्रममार्फत उनलाई खेलकुद क्षेत्रका उच्च अधिकारीहरू, खेलाडीहरू, र खेलप्रेमीहरूको ठूलो संख्याले आत्मीय स्वागत गरे।
पलेशा गोवर्धनको सम्मानमा बाजागाजा र झाँकीसहितको बृहत् नगरपरिक्रमा आयोजना गरिएको छ, जसले राजधानीका मुख्य सडकहरूमा एक विशेष आकर्षण थपेको छ। बिहान करिब ८ बजे काठमाडौं आइपुगेकी पलेशालाई त्रिभुवन अन्तर्राष्ट्रिय विमानस्थलमा स्वागत गर्ने क्रममा उनको ऐतिहासिक उपलब्धिलाई सम्मान गर्न हजारौंको संख्यामा सर्वसाधारण भेला भएका थिए।
पलेशालाई स्वागत गर्न आयोजना गरिएको झाँकीले एयरपोर्टदेखि गौशाला, पुरानो बानेश्वर, मैतीदेवी, डिल्लीबजार, बागबजार, भद्रकाली, सहिदगेट, त्रिपुरेश्वर चोक हुँदै राष्ट्रिय खेलकुद परिषद्को प्राङ्गणसम्म नगरपरिक्रमा गरिरहेको छ। राजधानीभरि उत्साह र गौरवको माहोल छाएको छ, जहाँ पलेशाको आगमनले सम्पूर्ण देशलाई एकताको भावनामा बाँधेको छ।
यो ऐतिहासिक क्षणमा पलेशा गोवर्धनले मात्र पदक जितेको नभई, सम्पूर्ण राष्ट्रलाई गर्व गर्न लायक उपलब्धि प्रदान गरेकी छन्। उनको स्वागत समारोहले नेपाली खेलकुदको उज्जवल भविष्यको प्रतीकका रूपमा नेपाली जनताको अपार समर्थन र उत्साहलाई उजागर गरेको छ। खेलकुद क्षेत्रका विशिष्ट व्यक्तिहरूले यो अवसरलाई पलेशाको अद्वितीय सफलताको महोत्सवका रूपमा मनाइरहेका छन्, जसले नेपाली खेलकुदको क्षेत्रमा नयाँ आयाम थपेको छ।
