काठमाडौं, २०८१ माघ २३ – “2nd NAPFS अन्तरविद्यालयीय सशस्त्र IG रनिङ ट्रफी फुटबल प्रतियोगिता-2081” अन्तर्गत लिग चरणका आज सम्पन्न खेलहरूमा कीर्तिपुरका दुई विद्यालयहरूले प्रभावशाली जित दर्ता गरेका छन्।
पहिलो खेलमा पुष्पसदन बोडिङ्ग सेकेण्डरी स्कुल, कीर्तिपुरले राई स्कुल, नक्साल, काठमाडौंलाई ५-१ को फराकिलो अन्तरले पराजित गर्यो। विजयी टिमका लागि विशाल कुँवर, हिक्मत योगी (२ गोल) र बुद्ध लिम्बुले गोल गर्दै टोलीलाई सशक्त जित दिलाए।
त्यस्तै, दोस्रो खेलमा ग्रिन भिलेज एजुकेशन फाउण्डेशन, कीर्तिपुरले राराहिल मेमोरियल स्कुल, कीर्तिपुरलाई १-० को झिनो अन्तरले पराजित गर्यो। खेलको निर्णायक गोल सुहस गिरीले गर्दै आफ्नो टोलीलाई महत्वपूर्ण तीन अंक दिलाए।
आजको खेलमा उत्कृष्ट प्रदर्शन गर्ने पुष्पसदनका विशाल कुँवर र ग्रिन भिलेजका सुहस गिरीलाई विद्यालयका प्रधानाचार्य युवराज पराजुली र सहायक प्रधानाचार्य राजकुमार प्याकुरेलले Player of the Match ट्रफी प्रदान गरे।
भोलिका खेलहरू (२०८१ माघ २४):
१. बाघ भैरव सेकेण्डरी स्कुल, कीर्तिपुर VS ब्राइट होराइजन चिल्ड्रेन्स होम, मातातिर्थ, काठमाडौं
२. डी.ए.भी. सुशील केडिया स्कुल, जावलाखेल, ललितपुर VS नेपाल एपीएफ स्कुल, कोहलपुर
प्रतियोगिताका खेलहरू अझ रोमाञ्चक बन्दै गइरहेका छन्। भोलिका खेलहरूले लिग तालिकालाई थप प्रतिस्पर्धात्मक बनाउने अपेक्षा गरिएको छ।
