कीर्तिपुर, फागुन ८ – नेपाल एपीएफ स्कूल कीर्तिपुरको २०औँ स्थापना दिवसको अवसरमा आयोजित दोस्रो NAPFS अन्तर-विद्यालय सशस्त्र प्रहरी महानिरीक्षक रनिङ्ग ट्रफी फुटबल प्रतियोगिता–२०८१ भव्य रूपमा सम्पन्न भएको छ। फाइनल खेलमा आयोजक नेपाल एपीएफ स्कूल कीर्तिपुर (A) ले सैनिक आवासीय महाविद्यालय सल्लाघारी लाई ५-० को भारी अन्तरले पराजित गर्दै उपाधि जित्न सफल भएको छ।
प्रतियोगिताको विजेता नेपाल एपीएफ स्कूल कीर्तिपुर (A) ले नगद रु। ६०,०००, आईजी रनिङ्ग ट्रफी, विनर ट्रफी, मेडल तथा प्रमाणपत्र प्राप्त गर्यो।
पहिले रनर अप बनेको सैनिक आवासीय महाविद्यालय सल्लाघारी ले नगद रु। २०,०००, पहिले रनर अप ट्रफी, मेडल तथा प्रमाणपत्र प्राप्त गर्यो।
दोस्रो रनर अप नेपाल पुलिस स्कूल, साँगा ले नगद रु। १०,०००, ट्रफी, मेडल तथा प्रमाणपत्र प्राप्त गर्यो।
प्रतियोगिताका विजयी खेलाडी तथा विद्यालयहरूलाई सशस्त्र प्रहरी महानिरीक्षक राजु अर्याल द्वारा पुरस्कार तथा प्रमाणपत्र प्रदान गरियो। प्रतियोगिता माघ २० गतेदेखि फागुन ८ गतेसम्म सञ्चालन भएको थियो।
विजेताहरू र पुरस्कार
म्यान अफ द म्याच इसान तामाङ ९सैनिक आवासीय महाविद्यालय सल्लाघारी०
सर्वोत्कृष्ट गोलकिपर: रोशन बुढाथोकी (नेपाल एपीएफ स्कूल)
प्रतियोगिताका सर्वोत्कृष्ट खेलाडी: टेन्जिङ्ग शेर्पा
सर्वाधिक गोलकर्ता: बिकास बोहोरा (नेपाल एपीएफ स्कूल कीर्तिपुर)
अनुशासित टिम :ब्राइट होराइजन चिल्ड्रेन होम, मातातिर्थ
समापन समारोहमा विद्यालयका विद्यार्थीहरूले मार्च पास्ट, कराँते, तेक्वान्दो प्रदर्शन, मास पी।टी। तथा विविध सांस्कृतिक कार्यक्रम प्रस्तुत गरे।
कार्यक्रमका प्रमुख अतिथि सशस्त्र प्रहरी महानिरीक्षक राजु अर्याल ले नेपाल एपीएफ स्कूलको शैक्षिक तथा खेलकुद क्षेत्रमा पुर्याएको योगदानको प्रशंसा गर्दै यस्ता प्रतियोगिताहरूले विद्यार्थीहरूको खेलकुद क्षमता अभिवृद्धि गर्दै अनुशासन, टीम वर्क, र नेतृत्व विकासमा महत्वपूर्ण भूमिका खेल्ने बताए।
विद्यालयका प्रधानाचार्य युवराज पराजुली ले स्वागत मन्तव्य राख्दै विद्यालय व्यवस्थापन समितिका अध्यक्षद्वारा प्रमुख अतिथिलाई मायाको चिनो प्रदान गरिएको थियो।
नेपाल एपीएफ स्कूल कीर्तिपुरले २० वर्षे यात्रामा खेलकुद र शैक्षिक क्षेत्रमा उल्लेखनीय उपलब्धिहरू हासिल गरेको भन्दै, विद्यालय प्रशासनले आगामी दिनमा अझ प्रभावकारी कार्यक्रमहरू सञ्चालन गर्ने प्रतिबद्धता व्यक्त गरेको छ।